Լոռու մարզի բնապահպանական խնդիրների լուսաբանում. դասընթաց

Դասընթացի շրջանակներում սոցիալական մեդիայի, համացանցային անվտանգության եւ բնապահպանական խնդիրների լուսաբանման վերաբերյալ վարպետության դասեր եւ հանդիպումներ կանցկացնեն հայաստանյան մի շարք կազմակերպությունների ներկայացուցիչներ: 

 Այս միջոցառումը Լոռու մարզի երիտասարդներին հնարավորություն կընձեռի լրագրողական ու թղթակցական նոր գիտելիքներ ստանալ, հմտանալ բնապահպանական խնդիրների լուսաբանման ոլորտում, համագործակցության կամուրջներ ստեղծել`համապատասխան մասնագետների օգնությամբ:  

Հայտերի ներկայացման վերջնաժամկետը ս.թ.-ի հունիսի 15-ն  է:

Ուղարկեք համառոտ կենսագրություն/CV` լրացված հայտի հետ  publicjournalismclub@gmail.com էլեկտրոնային հասցեին` կցելով առավելագույնը 3 թղթակցային/լրագրողական աշխատանքի նմուշ, բլոգային նոթ կամ այլ հեղինակային նյութ: 

Ուղարկվող էլեկտրոնային նամակի թեմայի (subject) տողում նշեք 4-րդ ուսուցողական դասընթաց-ճամբար: 

 Հավելյալ տեղեկությունների համար կարող եք կապվել ՀԼԱ աշխատակիցների հետ` 010) 53-92-04 հեռախոսահամարով:

Հայտի ձեւը կարող եք ներբեռնել  այս տեքստի ներքո` Facebook, Twitter…. նշաններից հետո գտնվող ֆայլում  / application doc /: 

Հանրային թղթակցության դասընթաց-ճամբար-ը կազմակերպվում է ՀԼԱ-ի 2011-2012 թ.թ.-ի «Հանրային լրագրություն. վերափոխելով լուրերի սպառման գործընթացը Հայաստանում ակտիվ մասնակցության» նախագծի շրջանակներում, որը հնարավոր է դարձել իրականացնել Մոսկվայում Նորվեգիայի դեսպանության տրամադրած դրամաշնորհի միջոցով: 

Հանրային լրագրության ակումբը Հայաստանում գրանցված հասարակական կազմակերպություն է: Մեր առաքելությունն է խթանել խոսքի ազատությունը, բազմազանությունը եւ բազմակարծությունը Հայաստանում`զարգացնելով մասնակցային եւ հանրային թղթակցությունը, քաղաքացիական թղթակիցներին եւ պրոֆեսիոնալ լրագրողներին, լրատվամիջոցներին ու սոցիալական մեդիայի մասնագետներին` տեղեկատվական տեխնոլոգիաների եւ հասարակական այլ ոլորտների մասնագետներին կապող համագործակցության գրավիչ, աշխատանքային կամուրջներ ստեղծելով:  

Մենք փորձում ենք ստեղծել համագործակցության կամուրջներ, որոնք կնպաստեն նոր տեխնոլոգիաների եւ այդ ոլորտի ներկայացուցիչների եւ լրագրության ու լրագրողների համագործակցությանը: Մենք ստեղծել ենք քաղաքացիական թղթակցության բնագավառում նորամուծություն համարվող` խաղային դիզայնի եւ խաղաֆիկացման տեխնոլոգիաներով նախագծված www.mynews.am-ը:

Հ.Գ. Կից ուղարկում ենք նաև հայտի ձևաթուղթը: Մանարմասների համար այցելեք , http://pjc.am/node/202 ,

 ք.Երևան, Հայաստանի Հանրապետություն

Եզնիկ Կողբացի 39
Հեռ.՝ +374 (10) 53 92 04
Էլ. փոստ` info@pjc.am, publicjournalismclub@gmail.com