ՀՀ ՆԱԽԱԳԱՀԻ ՀՈՎԱՆՈՒ ՆԵՐՔՈ ԻՐԱԿԱՆԱՑՎՈՂ ԵՐԻՏԱՍԱՐԴ ԳԻՏՆԱԿԱՆՆԵՐ Ի ԱՋԱԿՑՈՒԹՅԱՆ ԾՐԱԳԻՐ ԳԻՏԱԿԱՆ ԼՐԱԳՐՈՒԹՅԱՆ ՄՐՑՈՒՅԹ

ՀՀ ՆԱԽԱԳԱՀԻ ՀՈՎԱՆՈՒ ՆԵՐՔՈ ԻՐԱԿԱՆԱՑՎՈՂ

ԵՐԻՏԱՍԱՐԴ ԳԻՏՆԱԿԱՆՆԵՐԻ ԱՋԱԿՑՈՒԹՅԱՆ ԾՐԱԳԻՐ

ԳԻՏԱԿԱՆ ԼՐԱԳՐՈՒԹՅԱՆ

Մ Ր Ց Ո Ւ Յ Թ Ի   Հ Ր Ա Վ Ե Ր

Մրցույթը նախատեսված է գիտության հարցերը լուսաբանող այն լրագրողների, հրապարակախոսների ու քաղաքացիների համար, ովքեր ս.թ սեպտեմբերի 1-ից մինչև 2013թ. փետրվարի 1-ը տպագիր կամ համացանցային մամուլում, բլոգներում, հեռուստա- և ռադիոհաղորդումներով կանդրադառնան Հայաստանում գիտության ոլորտի հիմնախնդիրներին, մասնավորապես՝

• Հայաստանում գիտության կազմակերպման, գիտության վերաբերյալ հանրության ու պետական կառույցների վերաբերմունքի ու հասարակության շրջանում գիտնականի վարկի,
• Հայաստանում գիտության ֆինանսավորման ուղիների հնարավոր դիվերսիֆիկացիայի,
• երիտասարդ գիտնականների հիմնախնդիրներին և ԵԳԱԾ գործունեությանը առնչվող,
• երկրում նորարական (իննովացիոն) գործունեության հնարավորությունների, և, զուգահեռաբար, հայաստանյան գիտության առկա խնդիրների ու ձեռքբերումների հարցերին:

Մրցույթին իրավունք ունեն մասնակցելու սահմանված ժամանակահատվածում առնվազն 10 նյութ հրապարակած լրագրողները, ընդ որում, նյութերը պետք է տեղադրված լինեն համացանցում։ Միևնույն նյութը միաժամանակ չի կարող ներկայացված լինել նմանատիպ այլ մրցույթի: Հեղինակներին խնդրում ենք նյութերի հարապարակմանը զուգահեռ` համապատասխան հղումները տեղադրել http://www.facebook.com/groups/321785487875421/ խմբում: Ներկայացված աշխատանքները գնահատելիս հաշվի են առնվելու վերլուծության խորությունն ու յուրատիպությունը, հիմնավորվածությունը, համապարփակությունը, առաջատար փորձի հետ համեմատական զուգահեռների անցկացումը, իրականացվող գործողությունների արդյունավտության բարձրացմանն ուղղված գործնական առաջարկների առկայությունը:

Հաշվի է առնվելու նյութերի ընդհանուր քանակը, ինչպես նաև նյութերի տպագրության բաշխվածության համափաչությունն ըստ ամիսների՝ հայտարարության օրից սկսած: Լրացուցիչ միավորներ կտրվեն նաև թեժ կառուցողական քննարկումներ հարուցած նյութերին:

Նյութերում հարցազրույցների հատվածը և ուղիղ մեջբերումները չպետք է գերազանցեն տեքստի 50 տոկոսը։ Լուրի ժանրին պատկանող հրապարակումները չեն դիտարկվի:

Մրցույթի մրցանակային ֆոնդը կազմում է 1 մլն դրամ: Մրցույթի արդյունքների ամփոփումը կիրականացվի ԵԳԱԾ ղեկավար մարմնի կողմից:

Մրցույթին մասնակցելու համար անհրաժեշտ է միանալ http://www.facebook.com/groups/321785487875421/ խմբին և մինչև 2013թ. փետրվարի 1-ը մրցույթի հայտարարության տակ` որպես մեկնաբանություն տեղադրել մրցույթին ներկայացվող նյութերի և հեղինակի վերաբերյալ հետևյալ տեղեկությունները (նշված կետերից որևէ մեկի բացակայությունը կհամարվի տեխնիկական թերություն և ներկայացված հայտը չի դիտարկվի։ Հետևաբար, խնդրում ենք տրամադրել պահանջվող ամբողջ տեղեկությունը՝ նշյալ հերթականությամբ).

Անուն, հայրանուն, ազգանուն (հայերեն)*

Name, father’s name, surname (English)*

Աշխատանքի վայր*

Էլ. փոստ*

Հեռախոս*

Ներկայացվող նյութերի ամբողջական տվյալները և համացանցային հղումը.*

1.

2.

3.

4.

5.

6.

7.

8.

9.

10.

……

11.

12.

———————————

*Աստղանիշով նշված դաշտերի լրացումը պարտադիր է հայտը դիտարկելու համար:

Խնդրում ենք սույն հայտարարությանը հաջորդող մեկնաբանություններում բացառապես ներկայացնել միայն հայտեր։ Այլ բնույթի մեկնաբանությունները կջնջվեն:

2013թ. փետրվարի 1-ից հետո ներկայացված հայտերը չեն ընդունվի։

Հրապարակումների մեջ հղումը http://www.facebook.com/groups/321785487875421/ խմբին և ԵԳԱԾ ծրագրի գործունեության լուսաբանումը ցանկալի է:

Հայտարարությունը տարածվել է 2012 թ. օգոստոսի 23-ին: