Armacad.info

armacader | September 10, 2012

[Attachment(s) from Hovhannisyan Nvard included below]

«Արարատ. սոցիալական խնդիրները հանրային թղթակիցների աչքերով»

Հանրային թղթակցության դասընթաց

Սեպտեմբերի 26-30-ը Հանրային լրագրության ակումբը կազմակերպում է Արարատի մարզի սոցիալական խնդիրների լուսաբանման թեմայով հանրային լրագրության 5-րդ դասընթաց-ճամբարը:

Դասընթացը նախատեսված է Արարատի մարզի հանրային/քաղաքացիական թղթակիցների, բլոգերների, լրագրողների համար:

Դասընթաց-ճամբարի շրջանակներում սոցիալական խնդիրների լուսաբանման վերաբերյալ վարպետության դասեր եւ հանդիպումներ կանցկացնեն հայաստանյան մի շարք կազմակերպությունների ներկայացուցիչներ: Դասընթացը տեղի կունենա Արարատ քաղաքի Պարույր Սեւակի անվան համար 2 դպրոցում` Շահումյան 16 հասցեով:

Դասընթաց-ճամբարն Արարատի մարզի երիտասարդներին հնարավորություն կընձեռի լրագրողական ու թղթակցական նոր գիտելիքներ ստանալ, հմտանալ սոցիալական խնդիրների լուսաբանման ոլորտում, ինչպես նաեւ կապեր հաստատել ոլորտի ներկայացուցիչների հետ:

Հետաքրքրվա՞ծ եք: Ուղարկեք համառոտ կենսագրություն/CV` լրացված հայտի հետ publicjournalismclub@gmail.com էլեկտրոնային հասցեին` կցելով առավելագույնը 3 թղթակցային/լրագրողական աշխատանքի նմուշ, բլոգային նոթ կամ այլ հեղինակային նյութ:

Ուղարկվող էլեկտրոնային նամակի թեմայի (subject) տողում նշեք 5-րդ ուսուցողական դասընթաց-ճամբար:

Հայտերի ներկայացման վերջնաժամկետը ս.թ.-ի սեպտեմբերի 15-ն է:

Կից ներկայացվում է հայտի ձեւը:

Հավելյալ տեղեկությունների համար կարող եք կապվել Հանրային լրագրության ակումբի աշխատակիցների հետ` +37455 78 49 07 հեռախոսահամարով:

Հանրային թղթակցության դասընթաց-ճամբարը կազմակերպվում է ՀԼԱ-ի 2011-2012 թ.թ.-ի «Հանրային լրագրություն. վերափոխելով լուրերի սպառման գործընթացը Հայաստանում ակտիվ մասնակցության» նախագծի շրջանակներում, որը հնարավոր է դարձել իրականացնել Մոսկվայում Նորվեգիայի դեսպանության տրամադրած դրամաշնորհի միջոցով:

Մեր նախորդ դասընթացների մասին կարդացեք այստեղ:

Հանրային լրագրության ակումբը Հայաստանում գրանցված հասարակական կազմակերպություն է:

Մեր առաքելությունն է խթանել խոսքի ազատությունը, բազմազանությունը եւ բազմակարծությունը Հայաստանում`զարգացնելով մասնակցային եւ հանրային թղթակցությունը, քաղաքացիական թղթակիցներին եւ պրոֆեսիոնալ լրագրողներին, լրատվամիջոցներին ու սոցիալական մեդիայի մասնագետներին` տեղեկատվական տեխնոլոգիաների եւ հասարակական այլ ոլորտների մասնագետներին կապող համագործակցության գրավիչ, աշխատանքային կամուրջներ ստեղծելով:

Մենք փորձում ենք ստեղծել համագործակցության կամուրջներ, որոնք կնպաստեն նոր տեխնոլոգիաների եւ այդ ոլորտի ներկայացուցիչների եւ լրագրության ու լրագրողների համագործակցությանը:

Մենք ստեղծել ենք քաղաքացիական թղթակցության բնագավառում նորամուծություն համարվող` խաղային դիզայնի եւ խաղաֆիկացման տեխնոլոգիաներով նախագծված www.mynews.am կայքը, որի միջոցով աջակցում ենք հանրային թղթակցության որակի բարելավմանն ու որակյալ հանրային լրագրության տարածմանը:

«Իմ լուրեր» կայքի մասին մանրամասներ կարող եք կարդալ «Մեր մասին բաժնում», իսկ կայքը ներկայացնող տեսանյութը կարող եք դիտել այստեղ:

Address/Հասցե. 39 Koghbatsi Street, Yerevan, Armenia 0010

Կողբացի 39 ք. Երեւան, Հայաստան, 0010

Tel/Հեռ. + 374 94 755 898

Email/Էլ. փոստ info@pjc.am; info@mynews.am

Web site/Կայք www.pjc.am

Twitter/Թվիթեր @pubjournclub