Միջազգային ուսանողական գիտաժողով ԵՊՀ-ում [9 Attachments]

armacader | September 15, 2012

[Attachment(s) from Rouben Davtyan included below]

2012 թ. ՅՈՒՆԵՍԿՕ-ի մակարդակով նշվում է հայ գրատպության սկզբնավորման 500-ամյա տարեդարձը: Զուգահեռաբար ԵՊՀ Ուսանողական գիտական ընկերությունը (այսուհետ` ՈՒԳԸ) նշում է իր հիմնադրման 65-րդ տարին: Այս կապակցությամբ 2012 թ. հոկտեմբերի 15-19-ը տեղի է ունենալու միջազգային ուսանողական գիտական նստաշրջան` ԵՊՀ բոլոր ֆակուլտետներում իր սեկցիաներով և ենթասեկցիաներով: Զեկուցումների թեմատիկան ազատ է: Ստորև տրվում է սեկցիաների ցանկը.

1. 500-ամյա հայ գրատպություն (լիագումար նիստ)

2. Աշխարհագրություն և երկրաբանություն

3. Աստվածաբանություն

4. Արևելագիտություն

5. Ժուռնալիստիկա

6. Ինֆորմատիկա և կիրառական մաթեմատիկա

7. Իրավագիտություն

8. Կենսաբանություն

9. Հայ բանասիրություն

10. Մաթեմատիկա և մեխանիկա

11. Միջազգային հարաբերություններ

12. Պատմություն

13. Ռադիոֆիզիկա

14. Ռոմանագերմանական բանասիրություն

15. Ռուս բանասիրություն

16. Սոցիոլոգիա

17. Տնտեսագիտություն

18. Փիլիսոփայություն և հոգեբանություն

19. Քիմիա

20. Ֆիզիկա

Գիտական նստաշրջանին մասնակցելու համար անհրաժեշտ է լրացնել մասնակցության հայտը և մինչև սեպտեմբերի 15-ը ուղարկել ՈՒԳԸ էլեկտրոնային փոստի հասցեին` sss@ysu.am:

Ներկայացվելիք զեկուցման ամբողջական տարբերակն անհրաժեշտ է մինչև սեպտեմբերի 25-ը տպագիր և էլեկտրոնային տարբերակներով, գիտական ղեկավարի կարծիքով և համապատասխան ամբիոնի երաշխավորագրով ներկայացնել ֆակուլտետի ՈՒԳԸ նախագահին կամ ՈՒԳԸ կենտրոնական գրասենյակ (Ա. Մանուկյան 1, ԵՊՀ կենտրոնական մասնաշենք, 6-րդ հարկ, 608 սենյակ) կամ էլ ՈՒԳԸ էլեկտրոնային փոստի հասցեին (երաշխավորագրերի սկանավորված տարբերակներով):

Գիտական նստաշրջանին ներկայացված զեկուցումները տպագրվելու են ԵՊՀ ՈՒԳԸ «Գիտական հոդվածների ժողովածու»-ի հոբելյանական համարներում: Կից ներկայացնում ենք ՈՒԳԸ ժողովածուում տպագրվող գիտական հոդվածի չափորոշիչները:

Չափորոշիչներին չհամապատասխանող զեկուցումները չեն ընդունվելու:

Կից ուղարկում ենք գիտաժողովի հայտարարությունը, հոդվածի չափորոշիչները և մասնակցության հայտը (3 լեզուներով):

Հարգանքով և լավագույն բարեմաղթանքներով`

ԵՊՀ Ուսանողական գիտական ընկերություն

Էլեկտրոնային փոստ՝ sss@ysu.am և mikayelhistory@yahoo.com

Կայք՝ sss.ysu.am

Հեռ.՝ (093) 66-36-95

__._,_.___

Attachment(s) from Rouben Davtyan

9 of 9 File(s)