Սեմինար Վայոց ձորում

iRegion ծրագիրը հոկտեմբերի 26-ին Վայոց ձորի մարզում կազմակերպում է «Խոսքի ազատության իրավունքն ու դրա սահմանափակումները քաղաքացիական լրագրության համատեքստում» թեմայով մեկօրյա սեմինար, որը տեղի կունենա  Եղեգնաձոր քաղաքում գտնվող Հայաստանի պետական տնտեսագիտական համալսարանի մասնաճյուղում:

Սեմինարի նպատակն է ավանդական և  քաղաքացիական լրագրությամբ զբաղվող անձանց ծանոթացնել խոսքի ազատության հիմնարար իրավունքին ու դրա սահմանափակումներին, ինչպիսին են զրպարտություն և վիրավորանք հասկացությունները, այդ իրավախախտումները կարգավորող օրենսդրական ակտերին, ինչպես նաև ուսուցանել մի շարք լրագրողական հնարքներ, որոնք նրանց թույլ կտան մի կողմից` ազատորեն իրականացնել իրենց խոսքի ազատության հիմնարար իրավունքը, մյուս կողմից` այդ անելիս չխախտել մարդու անձնական կյանքի նկատմամբ հարգանքի իրավունքը:

Սեմինարին կարող են մասնակցել Վայոց ձորի մարզում գործող մեդիա գործունեություն իրականացնող կազմակերպությունները, ազատ լրագրողներն ու քաղաքացիական լրագրողները:

Այն տևելու է 4 ժամ, որը բաղկացած կլինի տեսական  և գործնական հատվածներից: Վերջինիս ընթացքում ինտերակտիվ մեթոդի օգնությամբ մասնակիցների համար կկազմակերպվի վարժությունների փուլ, ինչը թույլ կտա գործնական պարապմունքի միջոցով նրանց մոտ ամրապնդել տեսական նյութը:

Սեմինարը վարելու են փաստաբաններ, «Իրավունքի Եվրոպա միավորում» (ԻԵՄ) հկ նախագահ Լուսինե Հակոբյանը և ԻԵՄ անդամ Տիգրան Եգորյանը: Սեմինարին մասնակցությունը անվճար է:

Դիմելու համար անհրաժեշտ է լրացնել սեմինարին մասնակցության հայտը կամ լրացնել հետևյալ դիմումն ու ուղարկել amuradyan@epfound.am հասցեով մինչև հոկտեմբերի 20-ը՝  subject(թեմա) տողում նշելով՝ «Խոսքի ազատության իրավունքն ու սահմանափակումը քաղաքացիական լրագրության համատեքստում»: Հարցեր լինելու դեպքում կարելի է զանգահարել 093 22 82 51 հեռախոսահամարով:

iRegion ծրագիրն իրականացվում է «Լրատվության այլընտրանքային ռեսուրսներ» ծրագրիշրջանակներում` Եվրասիա համագործակցություն հիմնադրամի աջակցությամբ: Նպատակն է Հայաստանում առավել հասանելի դարձնել անկողմնակալ և  բազմակարծիք լրատվությունը ավանդական և այլնտրանքային միջոցներով՝ ժամանակակից տեխնոլոգիաների կիրառմամբ:

Anna Muradyan, iRegion project coordinator ☎  (0374 93) 22-82-51  ✎ Subscribe to iRegion newsletter

Join iRegion: Facebook Page Twitter Blogger WordPress WordPress
Contact me: anna-muradyan

Get a signature like this: Click here!

​

• New Members 17