Պայմանագիր՝ ԳՊԿ-ի եւ Thomson Reuters-ի միջեւ
Պայմանագիր՝ ԳՊԿ-ի եւ Thomson Reuters-ի միջեւ
Հոկտեմբերի 4-ին ՀՀ ԿԳՆ գիտության պետական կոմիտեում կնքվեց համագործակցության պայմանագիր կոմիտեի եւ Thomson Reuters ընկերության միջեւ: Երեք տարով կնքված պայմանագիրը գիտական եւ գիտատեխնիկական գործունեությամբ զբաղվող հայաստանյան կազմակերպություններին հնարավորություն է տալիս օգտվելու Thomson Reuters-ի Web of Knowledge համակարգի ռեսուրսներից (http://webofknowledge.com): Նախքան պայմանագրի կնքումը, նշված ռեսուրսները մի քանի ամիս հասանելի էին հայ գիտնականներին՝ վերջիններիս հետաքրքրող տվյալների ուղղվածությունն ու պահանջվածությունը ճշտելու եւ ըստ այդմ պայմանագիրը կազմելու նպատակով:
Web of Knowledge-ի ռեսուրսները հնարավորություն են տալիս արագորեն գտնելու եւ վերլուծելու ճշգրիտ եւ հասարակական գիտություններին, ինչպես նաեւ արվեստին եւ հումանիտար ոլորտին առնչվող բազմապիսի տեղեկատվություն: Համակարգն ընդգրկում է մատենագիտական ամբողջական նկարագրություն աշխարհի առաջատար գիտական գրականության մեջ գոյություն ունեցող տարատեսակ հրապարակումների մասին: Այս համակարգի միջոցով կարելի է նաեւ որոնում իրականացնել աշխարհի հղումների առաջատար շտեմարաններում` օգտագործելով նաեւ մեջբերվող հղումների որոնման եւ վերլուծման հզոր գործիքները` բոլորը մի պլատֆորմում:
ՀՀ ԿԳՆ ԳՊԿ տեղեկատվության եւ հասարակայնության հետ կապերի բաժին
__._,_.___
| Reply via web post | Reply to sender | Reply to group | Start a New Topic | Messages in this topic (1) |
.
__,_._,___
Subscribe
If you enjoyed this article, subscribe to receive more just like it.
English 
Հայերեն 