Ինչպես տարբերել տեղեկատվությունը ապատեղեկատվությունից

iRegion ծրագիրը  Արագածոտնի մարզում կազմակերպում է «Ինչպես տարբերել տեղեկատվությունը ապատեղեկատվությունից» թեմայով սեմինար, որը տեղի կունենա հոկտեմբերի 28-ին, Աշտարակի ավագ դպրոցում:

Սեմինարի նպատակն է ավանդական և քաղաքացիական լրագրությամբ զբաղվող անձանց ծանոթացնել տեղեկատվությունը ապատեղեկատվությունից զանազանելու մեթոդներին:  Քննարկվելու են նաև սոցիալական ցանցերում ու բլոգերում հրապարակվող նյութերի առանձնահատկությունները:

Սեմինարը տևելու է 4 ժամ, որը բաղկացած կլինի տեսական  և գործնական հատվածներից: Վերջինիս ընթացքում մասնակիցները փաստացի օրինակներով հնարավորություն կունենան ծանոթանալու ներկայացված խնդիրներին ու դրանց լուծման մեթոդներին:

Քննարկվելու են հետևյալ թեմաները.

• ԶԼՄ-ների տեսակներ. լրատվության հիմնական սկզբունքներ
• Տեղեկությունների պատրաստում և տեղեկատվական աղբյուրներ
• Տեղեկատվություն և ապատեղեկատվություն. ինչպես տարբերակել
• Տեղեկատության աղբյուրների ստուգում, փաստերի ու հավաստիության ճշգրտում
• Սոցիալական մեդիան (բլոգներ, ֆեյսբուք և այլն) որպես այլընտրանքային լրատվություն
• Լուսանկարները և տեսանյութերը որպես տեղեկատվության կարևոր աղբյուր

Սեմինարին կարող են մասնակցելԱրագածոտնի մարզի մեդիա գործունեություն իրականացնող կազմակերպություններ, ազատ և քաղաքացիական լրագրողներ:

Սեմինարը վարելու է  ankakhutyun.am կայքի խմբագիր Միքայել Յալանուզյանը: Մասնակցությունն անվճար է:

Դիմելու համար անհրաժեշտ է լրացնել սեմինարին մասնակցության հայտը կամ լրացնել հետևյալ դիմումն ու ուղարկել amuradyan@epfound.am հասցեով մինչև հոկտեմբերի 26-ը՝  subject(թեմա) տողում նշելով՝ «Ինչպես տարբերել տեղեկատվությունը ապատեղեկատվությունից»: Հարցեր լինելու դեպքում կարելի է զանգահարել 093 22 82 51 հեռախոսահամարով:

iRegion ծրագիրն իրականացվում է  Լրատվության այլընտրանքային ռեսուրսներ» ծրագրի շրջանակներում, Եվրասիա համագործակցություն հիմնադրամի աջակցությամբ: Նպատակն է Հայաստանում առավել հասանելի դարձնել անկողմնակալ և  բազմակարծիք լրատվությունը ավանդական և այլընտրանքային միջոցներով՝ ժամանակակից տեխնոլոգիաների կիրառմամբ: