ԱՐՄԱԿԱԴ ցանց

ԱՐՄԱԿԱԴ ցանցը գործում է Yahoo! Groups տիրույթում, որին միանալ կարող է յուրաքանչյուրը։ Եթե դուք ունեք yahoo.com տիրույթում գրանցված էլ. փոստի հասցե, ապա ԱՐՄԱԿԱԴ ցանցին միանալու համար պարզապես այցելեք http://groups.yahoo.com/group/ARMACAD և սեղմե՛ք վերևի աջ անկյունում առկա Join This Group! կապույտով ներկված կոճակը։

Եթե ձեր էլեկտրոնային փոստի հասցեն գրանցված է այլ տիրույթում՝ gmail.com, hotmail.com, rambler.ru և այլն, ապա գրանցվելու համար խնդրում ենք կատարել հետևյալ քայլերը.

Այցելե՛ք http://groups.yahoo.com/subscribe/ARMACAD/ , հատկացված դաշտում գրե՛ք ձեր էլեկտրոնային փոստ հասցեն և սեղմե՛ք կապույտով ներկված Request Confirmation Email կոճակը։ Այս քայլը կատարելուց հետո ձեր Էլ. փոստի հասցեին կստանաք նամակ Please confirm your request to join Armenian-Academic-Association-ARMACAD վերնագրով։ Բացե՛ք այդ նամակը և սեղմե՛ք նշվեծ հասցեի վրա։ Կբացվի առանձին մի պատուհան, որտեղ ամենաներքևում պետք է սեղմել As an alternate option, you may join the mailing list instead վրա

որից հետո կբացվի մի նոր պատուհան, որտեղ խնդրում ենք մեկ կամ երկու տողով գրել ձեր մասին և սեղմել Continue, որից հետո դուք անմիջապես կգրանցվեք ԱՐՄԱԿԱԴ ցանցում։

Բացի հայտարարություններ ստանալուց, ցանցում գրանցված յուրաքանչյուր ոք կարող է ուղարկել իրեն հասանելի հայտարարությունն ու այդպիսով տեղեկացնել հասարակությանը տվյալ միջոցառման կամ ծրագրի մասին։ Գրանցվելուց անմիջապես հետո, ինքներդ կարող եք ուղարկել հայտարարություն ԱՐՄԱԿԱԴում գրանցված 4000-ից ավելի շահառուներին՝ պարզապես նամակ ուղարկելով ARMACAD@yahoogroups.com հասցեին։

ԱՐՄԱԿԱԴ ցանցն ունի մոտ 5000 գրանցված շահառուներ, ովքեր ամեն օր այս ցանցի միջոցով ստանում են ակադեմիական հայտարարություններ՝ տեղեկանալով Հայաստանում և արտերկրում առկա գիտական ու կրթական ամենատարբեր միջոցառումների ու հնարավորությունների մասին՝ կոնֆերանսներ, սեմինարներ, ամառային դպրոցներ, կրթաթոշակներ, մագիստրական և ասպիրանտական կրթությունը շարունակելու հնարավորություններ։

ԱՐՄԱԿԱԴում գրանցված են աշխարհի տարբեր գիտակրթական հաստատություններում, ինչպես նաև այլ ոլորտներում՝ բիզնես, քաղաքականություն, ՀԿներ, լրագրություն և այլն, ակտիվ երիտասարդներ՝ միջազգային բարձրագույն կրթությամբ կամ այդ կրթությանը ձգտող։